उपयोगितेचे प्रकार स्पष्ट करा ?

1] रुप उपयोगिता :- 
" वस्तूचे स्वरूप बदलल्यामुळे वाढलेली उपयोगिता म्हणजे रुप उपयोगिता होय. " वस्तूचा रंग , रूप , आकार , बाह्य स्वरूप इत्यादींमध्ये बदल करून रूप उपयोगिता निर्माण केली जाते . उदा. माती पासून भांडी बनवणे , लाकडापासून फर्निचर बनवणे इत्यादी .

2] स्थल उपयोगिता :- 
" वस्तूचे स्थलांतर करून वाढवलेली उपयोगिता म्हणजे स्थल उपयोगिता होय." वस्तूचे उत्पादनाच्या ठिकाणाहून उपभोगाच्या ठिकाणी स्थलांतर केल्यामुळे स्थल उपयोगिता निर्माण होते . उदा समृद्धकाठची वाळू बांधकामाच्या ठिकाणी आणून त्या वाळूत उपयोगिता निर्माण करणे .

3] सेवा उपयोगिता :-
" समाजातील विविध घटकांनी पुरविलेल्या सेवांमधून मिळणारी उपयोगिता म्हणजे सेवा उपयोगिता होय. " उदा. डॉक्टर , वकील , शिक्षक इत्यादींच्या सेवांमधून मिळणारी उपयोगिता .

4] ज्ञान उपयोगिता :-
" विशिष्ट वस्तूचे ज्ञान प्राप्त करून त्यापासून मिळणारी उपयोगिता म्हणजे ज्ञान उपयोगिता होय. " उदा. संगणकाच्या विविध कार्यप्रणालीचा अभ्यास केल्यामुळे संगणकाद्वारे मिळणारी उपयोगिता .

5] स्वामित्व उपयोगिता :- 
" वस्तूच्या मालकी हक्कामुळे निर्माण होणारी उपयोगिता म्हणजे स्वामित्व उपयोगिता होय." उदा. दुकानातील धान्याची खरेदी केल्यानंतर त्यापासून मिळणारी उपयोगिता.

6] काल उपयोगिता :- 
" वस्तूच्या वापराचा काळ बदलून वाढवलेली उपयोगिता म्हणजे काल उपयोगिता होय." उदा. वस्तू मुबलक प्रमाणात उपलब्ध असतांना तिचा साठा करून दुर्मीळतेच्या काळात तिचा वापर करणे किंवा पावसाळ्याच्या काळात छत्र्या विक्रीस काढून त्या मध्ये उपयोगिता निर्माण करणे .