‘नकारात्मक पूर्वाग्रह’ याचा आपल्या काम करण्याच्या क्षमतेवर, निर्णय घेण्याच्या ताकदीवर, परस्पर संबंध आणि आपल्या आनंदावर परिणाम होतो. आपल्या मेंदूचा दोन तृतीयांश भाग हा फक्त वाईट बातम्यांवर लक्ष केंद्रित करू लागतो, ज्यामुळे आपण चांगल्या घटनांऐवजी वाईट घटनांकडे आकर्षित होतो.

जर तुम्ही एखाद्या व्यक्तीला म्हटलात की, 'सकारात्मक विचार करा' तेव्हा, असे सांगून काही फायदा होत नाही. जर तो विचार करू शकला असता तर त्याने नक्कीच विचार केला असता. आपले पूर्वज जे गुहांमध्ये राहत होते, त्यांचे मन नेहमी कोणत्या ना कोणत्या तरी संकटाकडे, धोक्याकडे केंद्रित होते. त्यांना कोणत्याही वन्य प्राण्याला सामोरे तर जावे लागणार नाही ना ? किंवा दुसऱ्या दिवशी अथवा रात्री त्यांना अन्न मिळेल की नाही ? याकडे लक्ष देऊन याची काळजी घ्यावी लागत होती. त्या काळात घडलेल्या घटना आजही आपल्या मनात दडलेल्या आहेत.
नकारात्मक पूर्वाग्रहाचा सामना कसा करायचा ?

आपल्या सर्वांच्या आयुष्यात कमी-अधिक प्रमाणात नकारात्मक गोष्टी असतात. परंतु, तुम्ही घाबरू नका. काही सोप्या टिप्सच्या मदतीने, तुम्ही तुमची विचार करण्याची क्षमता अधिक चांगल्या प्रकारे वापरण्यास सक्षम व्हाल.