फेब्रुवारी 2021 मध्ये भारताची व्यापारी निर्यात 27.67 अब्ज डॉलर होती, फेब्रुवारी 2020 च्या 27.74 अब्ज डॉलरच्या तुलनेत ती 0.25 टक्क्यांनी कमी आहे. एप्रिल ते फेब्रुवारी 2020-21 दरम्यान निर्यात 255.92 अब्ज डॉलर्स होती, तर मागील याच काळात ती 291.87 अब्ज डॉलर्स होती.

भारताची निर्यात (export) जुलैमध्ये 2.14 टक्क्यांनी वाढून 36.27 अब्ज डाॅलरची झाली आहे. तर क्रूड आयातीत 70 टक्क्यांहून अधिक वाढ झाल्यामुळे जुलै 2021 मधील 10.63 अब्ज डाॅलरवरून व्यापार (trade deficit) तूट जवळपास तिप्पट होऊन 30 अब्ज डाॅलरवर गेली आहे. त्याच वेळी जुलैमध्ये देशाची आयात (import) 43.61 टक्क्यांनी वाढून 66.27 अब्ज डाॅलर झाली आहे.

चार महिन्यांतील आयात-निर्यात
एप्रिल ते जुलै या कालावधीत निर्यात 20.13 टक्क्यांनी वाढून 157.44 अब्ज डाॅलर झाली आहे. चार महिन्यांत आयात 48.12 टक्क्यांनी वाढून 256.43 अब्ज डाॅलरवर गेली आहे. तर एप्रिल-जुलै दरम्यान व्यापार तूट 98.99 अब्ज डाॅलरवर गेली आहे. मागील वर्षीच्या एप्रिल-जुलै दरम्यान व्यापार तूट 42 अब्ज डाॅलर होती. कच्च्या तेल आणि पेट्रोलियम उत्पादनांची आयात या वर्षाच्या जुलैमध्ये 21.13 अब्ज डाॅलर राहिली आहे. जुलै 2021 मध्ये ही आयात 12.4 अब्ज डाॅलर होती.

या वस्तूंची आयात वाढली
जुलैमध्ये कोळसा, कोक आणि ब्रिकेट्सची आयात दुपटीने वाढून 5.2 अब्ज डाॅलर झाली आहे. तर वनस्पती तेलाची आयात 47.18 टक्क्यांनी वाढून २ अब्ज डाॅलर झाली आहे. जुलै 2021 मधील 4.2 अब्ज डाॅलरच्या तुलनेत सोन्याची आयात 43.6 टक्क्यांनी घसरून 2.37 अब्ज डाॅलरवर आली आहे.

कोणत्या क्षेत्रातील निर्यात वाढली?
जुलै 2022 मध्ये पेट्रोलियम उत्पादने, चामडे, इलेक्ट्रॉनिक वस्तू आणि कॉफीच्या निर्यातीत वाढ झाली आहे. दुसरीकडे, अभियांत्रिकी उत्पादने, धातू आणि दागिने, प्लास्टिक, काजू आणि कार्पेटच्या निर्यातील घट झाली. आकडेवारीनुसार, जुलै 2022 साठी मालाच्या निर्यातीचे अंदाजे मूल्य 24.91 अब्ज डाॅलर आहे